Como sabedes, este curso participamos no concurso do Tíralle da lingua da AS-PG. Tedes uns dotes marabillosos para serdes contadores e contadoras de historias!!! Grazas!!!
Aquí vos deixo as ligazóns para que poidades ver os traballos que presentamos nas dúas categorías:
3º ESO, clicades e buscades nos podcast. Son 5 traballos diferentes.
1º BAC, clicades e buscades nos podcast. Son 5 traballos diferentes.
Moita sorte e moitas grazas!!!!!!!!!!!
O alumnado co que imos realizar o intercambio envíanos desde Como (Italia) un recitado dos poemas de Rosalía para festexar o seu día (23 de febreiro).
Moitas grazas!!! Grazie mille!!!!
Pablo e Rodrigo propóñennos estas actividades sobre Dragal, a herdanza do dragón.
Encrucillado:
Sopa de letras:
Ruleta de palabras:
Eu son fan de @surfeandolibros. Esta conta lévaa Irene que agora se embarcou a contarnos historias da nosa historia a partir do libro de Xosé Cernades Andrade e mais Anselmo López Carreira, editado por Xerais.
Galicia esqueceu que houbo un día en que foi un gran reino, o primeiro reino europeo; tampouco lembra que a súa lingua era a máis culta e prestixiosa da península, e que os seus dominios se estendían polas terras que hoxe coñecemos como Castela, Asturias, Cantabria e Portugal. Desde o Castelo de Salvaterra, Irene comeza a repasar os feitos históricos que nos axudarán a atravesar o río do Esquecemento para recuperar a memoria colectiva e reescribir este capítulo da nosa Historia.
Velaquí o primeiro capítulo:
A miña compañeira e amiga Pilar ponte (@aprofa) fixo esta recompilación con ideas para non ter que facer un exame das lecturas. Como sabedes, a min tampouco me gusta facer exames dos libros que ledes e por iso vou botar man da súa recompilación.
Se clicades en 37 ideas para facer un traballo sobre un libro de lectura, podedes obter toda a información. Seguide os pasos. Calquera dúbida, xa sabedes, preguntádeme!!! E se se vos ocorre outra idea, comentádema sen problema!!!!
Póñovos esta captura de pantalla da entrada para que non vos perdades porque lle hai que dar para baixo ao rato 😉😃
Benvidas a este novo curso!
Este blog serviranos como punto de unión para expoñer actividades, ideas, traballos e todo aquilo que se vos ocorra.
Eu son Mar, a responsable do blog, e espero que vos unades para facelo noso!!!
Douvos a benvida con esta canción:
Unha mañá de setembro de Ses.
O pasado luns, 28 de marzo, tivemos a visita de Irene Pin para ver a primeira web serie interactiva en galego da cal é a directora. A novidade é a posibilidade de escoller diferentes puntos de vista dos personaxes para así seguir un camiño ou outro no desenvolvemento da acción.
O alumnado de 1º de bacharelato e o de 4º de ESO foi o afortunado de participar na actividade. Moi interesante a explicación do proceso de elaboración, da escolla das actrices e actores e tamén da situación do audiovisual galego.
.png)
Moitas grazas, Irene, e boa andaina coa 2ª parte de Amnesia 3.0.
