Amnesia 3.0

O pasado luns, 28 de marzo, tivemos a visita de Irene Pin para ver a primeira web serie interactiva en galego da cal é a directora. A novidade é a posibilidade de escoller diferentes puntos de vista dos personaxes para así seguir un camiño ou outro no desenvolvemento da acción.

O alumnado de 1º de bacharelato e o de 4º de ESO foi o afortunado de participar na actividade. Moi interesante a explicación do proceso de elaboración, da escolla das actrices e actores e tamén da situación do audiovisual galego.

Participou tamén un alumna de 1º de bacharelato, Xoel Lago Hermida, que falou da súa experiencia como actor e do proceso de participación nun cásting.

Moitas grazas, Irene, e boa andaina coa 2ª parte de Amnesia 3.0.

Amnesia 3.0

Imaxina espertar un día sen lembranzas do día anterior. Este é o universio Amnesia 3.0. Ten a particularidade de que ti podes escoller o que pasa na historia.

Este luns, 28 de marzo, teremos a proxección da primeira web serie de ciencia ficción en galego. Estará presente a directora Irene Pin e posteriormente haberá un coloquio co alumnado. Haberá dous pases: 9.20 a 11 para 1º de bacharelato e de 11.30 a 13 para o de 4º de ESO. Tamén falará un alumno do centro que tivo unha pequena participación nesta serie.