Mulleres invisibles na historia

 Este é un traballo colaborativo feito por 3º ESO (PDC) para recuperar a memoria de moitas mulleres que se atreveron a saír da norma establecida. Todas teñen en común ser as primeiras!

Crónicas dunha desmemoria (12)

Durante o reinado dos Reis Católicos levouse a cabo en Galicia o que aparece recollido nas crónicas como ‘doma’, é dicir, a eliminación de todo aquilo que lle daba identidade ao noso pobo e que, polo tanto, supoñía un perigo para o ideal de territorio unificado que buscaban Isabel e Fernando. 

Para conseguir esa unificación substituíron ás elites dirixentes do país por outro señorío chegado de fóra, instauraron institucións centralizadoras, e impuxeron o castelán como lingua oficial.

 

Crónica dunha desmemoria (11)

As revoltas irmandiñas foron a primeira gran revolución social europea. Neste episodio histórico entenderemos por que se levantou todo o pobo contra os señores feudais derrocando os seus castelos e tomando o poder. E o que é máis importante: Que significou para o noso pobo a derrota dos miles de homes e mulleres que quixeron loitar contra os abusos dos tiranos.

 

A cantiga de amigo

 

Crónicas dunha desmemoria (10)

Por que fracasaron todas as tentativas para volver a unirnos con Portugal e por que non foi aceptada como raíña Inés de Castro, recordada pola lenda como a raíña cadáver, xa que foi coroada despois de morta.

Crónica dunha desmemoria 9

 A soldadeira: María Pérez Balteira.

Crónica dunha desmemoria 8

 A lírica medieval galego-portuguesa.

Crónicas dunha desmemoria 6 e 7

 Dona Urraca.

 

Xelmírez. Poder galego e fenómeno Xacobeo.

Crónicas dunha desmemoria 4 e 5

 Desmontando mitos.

 

 O rei don García.

Crónicas dunha desmemoria 3

 

Os castelos (I)

Os castelos é un novo programa da TVG. Nel podemos ver recreacións de castelos destruídos ou perdidos e tamén a súa historia que é a historia de Galicia. Nel reflíctese o poder dos señores feudais.

O primeiro programa podedes velo nesta ligazón, está dedicado ao castelo de Pambre.

Proceso de restitución 3D do castelo da Rocha Forte, en Santiago de Compostela, fortaleza que foi destruida completamente polos Irmandiños no ano 1467 e prácticamente esquecida e abandonada ata 2001, ano no que se comezou o seu estudo e escavación arqueolóxica:

Crónicas dunha desmemoria (capítulo 2)

Na segunda crónica imos saber como chegan os suevos a Galicia en plena descomposición do imperio romano, e por que cambian as espadas polos arados e se instalan durante varios séculos nestas terras, onde constitúen o primeiro estado de toda Europa. A eles debémoslle a primeira moeda que se acuñou, a división do territorio en parroquias e a conversión ao cristianismo, que xa quedaría instalado como credo oficial.

Crónicas dunha desmemoria

 Eu son fan de @surfeandolibros. Esta conta lévaa Irene que agora se embarcou a contarnos historias da nosa historia a partir do libro de Xosé Cernades Andrade e mais Anselmo López Carreira, editado por Xerais.

 Galicia esqueceu que houbo un día en que foi un gran reino, o primeiro reino europeo; tampouco lembra que a súa lingua era a máis culta e prestixiosa da península, e que os seus dominios se estendían polas terras que hoxe coñecemos como Castela, Asturias, Cantabria e Portugal. Desde o Castelo de Salvaterra, Irene comeza a repasar os feitos históricos que nos axudarán a atravesar o río do Esquecemento para recuperar a memoria colectiva e reescribir este capítulo da nosa Historia.

Velaquí o primeiro capítulo: