Cantigas e murais para o coñecemento do Reino Medieval da Galiza

É un pracer presentar o noso vídeo-dosier final do proxecto "Cantigas e Murais para o Coñecemento do Reino Medieval de Galicia".  Neste vídeo, resumimos os emocionantes momentos vividos durante esta marabillosa aventura cultural.

Desde os concertos onde as cantigas medievais resoaron no noso salón de actos ata a creación do mural que adorna o noso espazo, cada paso deste proxecto foi unha celebración da nosa rica historia e cultura galega. 

Queremos agradecer a todo o alumnado e profesorado que participou co seu talento e entusiasmo, facendo deste proxecto unha experiencia inesquecible.

Este proxecto enmarcouse nos Premios Reino de Galicia 2023 da Deputación da Coruña, un recoñecemento á creatividade e á investigación da nosa historia.
Estamos orgullosas e orgullosos de compartir esta viaxe coa comunidade educativa.

Grazas a todas e todos por acompañarnos nesta aventura de coñecemento e creación. Seguiremos a celebrar e a promover a nosa cultura galega con orgullo e entusiasmo.

      

@culturadadeputaciondacoruna #

CertameFondodeproxectosculturaisReinodeGalicia
#deputaciondacoruña
#iesmontedasmoas
#xoan_curiel #raquel_germade #Bleuennlefriec #ReinodeGalicia #ACulturaÉUnDereito #EducaciónTransformadora
#CantigasEMurais
#PremiosReinodeGalicia2023

Crónicas dunha desmemoria 3

 

Crónicas dunha desmemoria

 Eu son fan de @surfeandolibros. Esta conta lévaa Irene que agora se embarcou a contarnos historias da nosa historia a partir do libro de Xosé Cernades Andrade e mais Anselmo López Carreira, editado por Xerais.

 Galicia esqueceu que houbo un día en que foi un gran reino, o primeiro reino europeo; tampouco lembra que a súa lingua era a máis culta e prestixiosa da península, e que os seus dominios se estendían polas terras que hoxe coñecemos como Castela, Asturias, Cantabria e Portugal. Desde o Castelo de Salvaterra, Irene comeza a repasar os feitos históricos que nos axudarán a atravesar o río do Esquecemento para recuperar a memoria colectiva e reescribir este capítulo da nosa Historia.

Velaquí o primeiro capítulo: