O xoves fomos de visita á antiga Audiencia Provincial para visitarmos como é un xuízo. Recibiunos a Maxistrada do xulgado de Instrución nº 6 da Coruña María Jesús García García. Foi unha visita moi produtiva na que a Maxistrada se encargou de nos explicar todo o que ten que ver cun xuízo e de que tipo de xuízos se encarga ela. Asistimos a varios xuízos diferentes. Grazas ao programa Educar en Xustiza sabemos algo máis do seu funcionamento. Repetiremos!
O alumnado de Oratoria visitou a biblioteca do barrio para preparar a Liga de Debate da Fundación Barrié. Moitas grazas, Alicia e Isabel. Vimos cheas de ideas, libros, cariños e futuro. Que gustazo compartir tempo con vós!!!
Hoxe fomos de visita á biblioteca do barrio, a do Castrillón. Recibíronnos Alicia e María e amosáronnos un lote de libros moi moi recomendables para o noso club de lectura. Este curso o Club de Lectura será de literatura e deporte. Cando miramos o reloxo xa case eran as 14.10, pasou o tempo rapidísimo. Viñemos cheas de cariño, recomendacións e ideas. Volveremos!!!
